ولدنة
يعني بدون مقدمات الله رزقك بغرفة أجار و بحارة ضيقة و بيوتها حد بعض و بلشت حضرتك تجهز الغرفة
و اهلكت من كتر التعب و بآخر الليل حطيت راسك ع المخدة بدك تنام و اذ..بتسمع صوت بكي طفل و الصوت من عند جارك مو قلنا الحارة ضيقة , و هالطفل استمر بالبكي وانت خجلان تروح لعند جارك لانو ما صرلك بالقصر من
العصر , وشو هالطفل بلش يعطيها لحن معين و كانوا بدو يعبر عن شي بس لانو ما في يحكي عم يبكي ولا الاحسن من هيك انو يكون اول ولد يعني امو لسى عروس جديدة ما ابتعرف شو بدو كنو جوعان ولا ممغوص ولا بدو يعبر عن شي زاعجو او لا سمح الله بدو دكتور و باعتبار اذكرنا الدكتور تخيل انو جارك دكتور اطفال , هون موقف جديد
يعني سبحان الله الولد بس وصل ع عيادة الدكتور ببلش بكي و هون رح تسمع ألحان جديدة من هالعيادة ويمكن مع الوقت تصير خبير يعني اذا اسمعت ولد عم يبكي فيك تقول لامو ابنك ممغوص اسقي كاسة يانسون خلي ينام (مثلا)
أو تخيل حالك مسافر ببولمان مريح و مكيف و كراسي متحركة واجا شخص قعد حدك و حدوا قعدت امراة و ابنها الصغير و جوزها لي حامل جريدة وبعد كم كيلو متر بلش الطفل ينزعج من القعدة او من اي شي تاني و بلش يبكي
يعني شو بدي قلك يبكي بعزم و اذا اطلعت ع وجو لهل الطفل بتشوفوا محمر و عيونوا مو امبينة و خود ع بكي , هلق اذا عنجد كان جارك دكتور اطفال هون فيك تساعدها يمكن ولو بكلمة أما اذا لاء يمكن تفتح سالفة مع الشخص لي حدك انو شو هالحالة يعني معقول ما فيها تسكتوا و الاحسن من هيك اذا كنت متعود تنام بالبولمان تفضل على هالموقف (انزول باقرب استراحة و خود بولمان تاني ) أما اذا مشي الحال و سكت هالطفل فأنا بقترح انك تسهر ع راحه هالطفل ولو الدنيا الضهر , او تخيل لما تنزل من هالبولمان و بدك تروح ع بيتك مثلا انو تشوف صديق غالي عليك ومن زمان ماشفتو يعني هوي مشتقلك وانت كمان و بدو يعرف اخبارك بعد هالغيبة و أصر هالصديق انك تروح لعندو وبعد اصرارو حضرتك وافقت تروح و انتبهت انو في طفل صغير ميسك بإيد صديقك , من البديهي يكون الو علاقة في , ابتسم صديقك لانو شاف اندهاشك , وقلك ابني الصغير متعلم المشي عن جديد و جبتوا معي
المهم انتو و عالطريق شاف الطفل محل العاب و بلش يشد بيو من ايدو و يقلو بدو لعبة ومو حايلله لعبة يعني يمكن حقها شي الف ليرة ببلش صديقك يقنع ابنو انو هاللعبة ما بتسوا او بنيتيه (اذا واعي لهل الدرجه ) و بلش بكي انو خلص ركب راسوا بدو اللعبة يعني انت ما عندك هالجرأة لتشتريها بألف ليرة و لا رفقيك معوا الف ومن الصعوبة انك تشرح لطفل انو يا بابا الالف ليرة بتعيشنا شي اسبوعين يعني راسو ما بيستحمل هالشي ولا انت فيك تفهموا , هون شو بدك تعمل ؟؟ أو بلا هالصدفة العجيبة و خلينا نقول انو اجا صديقك زيارة شخصية ع غرفتك لي مرستقها بطريقة كل شغلة بمحلها و انو اذا انقطعت الكهربا بنص الليل فيك تعرف وين كل شغلة محطوطة, و صديقك العزيز جايب معو ابنو الصغير و تركوا بهل الغرفة شو بتتخيل انو يعملك فيها ؟؟ انو يتركها بدون ما يلق ولا شغلة؟ هي بعيدة عن راسك , وانا بأكدلك انو رح تمضيها طول القعدة انو لا يا عموا و تعا لهون بعطيك مرباية (شو بالك اي احسن براي الطفل مرباية ولا انو يعبر عن فرحتوا و يبلش استكشاف بهل الغرفة؟ ) يعني بنصحك بلا هالجملة لانو يمكن هالطفل يضحك عليك , ولسى في حالات كتيرة صعب نعدها ويمكن هي الشغلات لي بيعملوها الاطفال اسمها ولدنة
و ظابطة انك تقول ولد عم يتولدن , مقبولة و فيك ع قساوتها انو تتحملها , بس السؤال يعني فيك تتحمل شخص (زلمي/ امراة) عم تتولدن؟ انا براي الشخصي لا يا سيدي حتى الولدنة في الها صحابها , شو لكن …
يعني تخيل بأي موقف سابق للاطفال لي مرقوا معك يكون في شخص كبير بالعمر و عم يعمل متلهن!!! اي مو ظابطة , تخيل بالبولمان صار شي شب يبكي انو بدو ياكل مثلا او عطشان او بدو ينام؟؟ فيك تستحملووا
يعني بالنهاية لكل شغلة صحابها حتى الولدنة…………
