اليوم و بالصدفة الكريمة فقت الصبح بكير!!! وانا مشتهي كاسة المته وقمت و
بكل نشاط لشعل الصوبيا و جهز العدة 
و اتمتع بمنظر  السما و الغيوم

وحطيت غنية فيروز (رجعت الشتوية ) و متل العادة قمت لتشعيل الصوبيا
فتحت الطاسة و انطرت المازوت
ليوصل ع الصوبيه
و صفنت بهل الجو الرائع

و قررت اكتب  شي  رومنسي و عاطفي وحميمي  تضامنا مع هالجوووو.
.بس فجأه تذكرت الصوبية وهون وقف قلبي للحظة (من الخوف)

و تخيلت منظر المازوت معبا السجادة وبدي جيب تراب ووو,قويت قلبي
و اطلعت ع الارض ما شفت شي فتوقعت انو الصوبيه تكون مليانه كمان

ارميت قشة الكبريت  أي وتفاجأت انو ما شعلت وبكل بساطة كبيت محرمه شيعله
 واطلعت بهل الصوبيه واذ كانك عم  بتزت النار بالتلاجة

ولا في مازوت ولا من يحزون تنهدت بعزم  وما افعلت انزع الصبح الي بيجنن ,
ارحت لعبي الطاسه و طلع حظي شغله يعني شو اعصرت

البدون عصر لحتى تعبت الطاسة و الحمد لله .  وشعلت الصوبيه
وبلشت المرحلة التانيه من الخطة
وهّوي كاسة المته  وهون كان المصاب الجلل

(مافي ولا طبخه مته) كمان قررت اتحدّا الصعوبات كلا
وقلت كلها شلفت حجر جارنا
عندو سوبر ماركت رهيبه ...روح باركلوا  وجيب كروز مته

(بيني ويبن حالي ).....

بالفعل وصلت لقدام السوبر ماركت و انا فايت
ضرب شي بعيتي (كانو انطرفت)
اطلعت لشوف شو يلي ضربني هالضربه واذ منظر بتشتهي

العان (العين) و القلب و النفس يعني فواكه سبحان لي وجدا
ولا شو منظر الخضرا الله وأكبر
وقررت آخد تشكيله وفتت لعند الاخ وقلتلوا كيفك جار مبروك

المحل ( رد) شو يا فايق ورايق عند الصبح ,
هون انا استغربت لعمه ليش هيك!!!؟؟
قلتلوا عفوا جار بس شو في (لطشني بكلمه يا فتاح ياعليم)

هون قررت اقصر الشر و غنيلوا  ودخلت بالموضوع قلتلوا
اعطيني من هدا يلي رقموا 55  كيلوا ومن يلي
رقموا36 كيلوا ومن هدا يلي رقموا 25

كيلوا وشفلي اشقد صار سعرن ...................

وهون الاخ قلي لاك والله مو طايق حالي شبك شو هدا يلي
رقموااا رقموا     رقموا    اصرعتني هاه

قلتلو الفواكة والخضرا يلي مسطرة و امزيبقه ع الشعرا بحيث مثل
كل قرص بندورة جايه بمحلوا ولا التفاح يا عين ع الجولاني يا عين

صفن هون الزلمه و قلي بعرفك آدمي بس
بعد ما اطلعت كم يوم لبرا انتزعت

له يا بو فلان له( شو اعملتلك وانا مندهش) قلي يعني ما ابتعرف
انو الارقام البرا هي أسعار الفواكه و الخضرا

قلتلوا اسعارن!؟ والله!! بالي (فكرت) انو اطورت ع فتحت السوبرماركت
(ابتسم بو فلان) وصار الزبون بس بقلك اعطيني
من يلي رقموا كذا متل محلات

الالبسه مثلا بتذكر رقم القطعة يلي ع الواجه
وهوي بيعطيك غرضك

قلي: لاء يا عموا صار سعر البطاطا 35  وباقة البقدونس 15 و التفاح
واللهٍ قبانو واقف علينا 55 و ال3كيلو موزبس100

قلي هلق شو طلبك لحتى اعطيك كيس و تعبي لحالك ولوا

قلتلوا بالفعل اني غبي لاء و تقيل دم والله مليح يلي ضليت مستحملني 
ما بدي غير سلامتك  وارجعت ع البيت وادخلت مستعجل ع الصوبيه

واذ الطاسه خالصه و الصوبيه مطفيه وهون تذكرت
اني ما جبت مته !!!!!!!!!

تنهدت و اقلت بلا مته بلا قاق ارجاع طب و انام لك نام
ولك نام  ولك مين قلك تفيق أصلا أأأأأأه

 

 

هي من سنة هالمقالة

 

لهيك علوواااااااا يا فيروز ما ترجع الشتوية من السنة الماضية!!!