نضارة شمسية اجتماعية
نضارات سود والشمس قويه ( حالة طبيعيه) بس لشو النضارات ؟
يعني نحنا المفتحين منخاف على عيونا من الشمس ام في شي ما بدنا انشوفوا بهل العيون و بدنا نغض الطرف ام بدنا نطلع على شي مابدنا حدا يعرف شو هوي؟
طيب ليش الاعمى ( الضرير ) بيلبس نضارة شمسيه ؟
هدا شو مشكلتوا ؟ ما بدوا يشوف ؟ ام نحنا ما بدنا انشوف عيونوا ؟
ابتعرف انوانا باّمن بنظرية دارون , ليش ؟ مو هيك؟ وشو دخلها هلق ؟؟ الجواب:
في شعار للقرود الثلاثه وقرد من هدول القرود حاطط دياتو على وجوا يعني ما بدوا يشوف شي
وبما انو نحنا اطّورنا عن القرود !!! اطّورنا بالتصرف ولهيك البسنا النضارة كرمال ما انشوف شي
ويمكن تستخدم هالفكرة باثبات انو الانسان اصلوا قرد؟؟!!
بس السؤال نحنا عم نلبس نضارة و الاعمى عم يلبس نضارة و العيشه عم تزداد نضارى
مين هوي لي موعم يلبس نضارة ؟
مين شايف الواقع بدون سواد النضارة ؟ وشو عم يشوف؟
معقول عم يشوف متلنا ؟
طيب نحنا لي حاطين النضارة مين رح يشيلها عن عيونا ؟
معقول ؟ ما في حدا ولا هالحدا متل دارون ؟ حكي وراح
ومافي دليل على هالحكي ؟
شو رايكن بالنضارة؟
