في شغلات لازم تشتريها مع كفالة اي صيانتها اذا تعرضت لشي عطل معين , وأنا بحب هالفكرة كتير و لهيك لما اشتريت هاتف للحكي اشتريتوا مع كفالة لمدة سنه كاملة و من بعد ما ركبتوا بشهرين طلعت فاتورة يعني كانو هالهاتف اشتغل عن سنة كاملة لحتى طلعت بهالقيمة , فكرت انو الهاتف ممكن يكون في عطل او شي و رحت ع مركز الصيانة و لي هوي كافل الهاتف , و قلتلوا انا اشتريت هاتف بس يمكن في عطل انو بيشتغل كتير و خصوصا انو الفاتورة اجتني عن سنة , فكان الرد من مركز الصيانة انو هيك عطل ما بيتصلح ولازم راجع مقسم الهاتف لحتى يشوفوا ليش هيك صار , بالفعل رحت ع مقسم الهاتف لي انا تابع الو , و احكيت القصة و كان الرد انو الحل بيكون بالبيت لي انا عايش في , بس انا عايش لحالي !!!؟؟؟ ف اسالت جاري القريب مني انو شو رأيك يا جار ؟؟ فجاوبني انو لازم اقفل الهاتف بمفتاح و هيك بريح راسي . بالفعل بعد شهرين الهاتف تغيرت الفاتورة , بس تفاجأت بفاتورة الكهرباء و انو ساعة الكهربا اشتغلت بهالشهرين لي مضوا عن شي سنة و طبعا ساعة الكهرباء مكفولة و اعملت نفس الجولة لي اعملتها مع الهاتف و انتهيت بقفل الساعة و الغيت الكهرباء
و بعد شهرين ساعة المياة الظاهر انو عم تقلد لي سبقوها و اشتغلت عن سنه و اتصرفت معها بنفس الطريقة لي تصرفتها مع غيرها و انتهت بقفل الفيجة و الغيت المياه بس بعد شهرين صرت انا اشتغل كتير مليح و كاني عم اشتغل عن سنة كاملة و هون المصيبة لانو انا مو مكفول و لا ليوم واحد و لو اني مكفول مين لي بدو يقفلني .!!؟؟؟
|
