حديث غرامي

حبيبي: أنا ميتى لشوفك ريتك تقبرني شو مشتاقة الك

حياتي: أنشاء الله

حبيبي : مومصدقني ؟

حياتي: أنشاء الله بشوفك ميته لاقبرك , مو انت هيك عم تتمني

حبيبي : يقصف عمرك ما أغلظك

حياتي : انت عم تتمني وانا بدي حققلك امنيتك يا حياتي

حبيبي : يقطع عمري ماأغباني قال مشتقة قال

حياتي : انشاء الله ........

و الحديث نفسوا كل ما اشتاقوا لبعض و مافيهن يتركوا بعض و هيك كل مرة

.............................................

حياتي : ابتعرفي انو انت اليوم كتير حلوة

حبيبي : ميرسي كلك لطف

حياتي : عنجد انت اليوم أميرة لا أنت ملاك لا انت حنان لا و الله انسيت اسمك

حبيبي : عنجد

حياتي : أول مرة بعرف انو اسمك (عنجد) كتير حلو اسمك

حبيبي : عنجد انت وقح و بلا احساس

حياتي : ليش عم تغلطي معي

حبيبي : لانو انا لهلق ما بعرف شو اسمك يا حبيبي

 

طبعا هيك التعارف الحديث بين الشباب

........................................................

حبيبي : انت شو بتحب فيني

حياتي : بحب فيك صراحتك ووضوحك

حبيبي : طيب شو بتحب برفيقتي لي عرفتني عليك ؟

حياتي : بحب فيها كلشي ما عدا صراحتها ووضوحها

حبيبي : طيب ليش ما بتحبهن ؟

حياتي : لو انها صريحه ما عرفتني ع هيك نمرة

 

طبعا هي تعارف عن طريق الاصدقاء

.................................................

 

نهاية الغرام .......

من بعد كل هالحكي صار لازم نتواجه

لا انا بدي موتك ولا بدي اعمل فيك عمايل

ولو انو اسمعت انو انت بدك تعملي هيك

مو قصة هيك ولا هيك المهم انو انت هيك

خلصيني من النق و الطلبات اعطيني من اخروا

خلصنا من بعض و المهم انو النهاية متل البداية

أحسن إلي و إليك و فهمك كفاية بهل الموضوع

شو بدك أحسن من هيك ولا انت ما ادخلت ع أساس هيك؟!!

من بعد هالاتصالات و التواصل لي كان بيناتنا خلصنا

أما اذا بدك تحكي عن الفاتورة فلا تنسي يا أمورة أكل النمورة

بيوجع الضراس ومو كلشي حلو طيب وهيك أو مو هيك خلصنا

و عن حبك ألي شكرا و ممنون و اذا تعبتك معي اشربي كمون

أما منشان الغرام و المشاوير لي كانت بيناتنا, هي بسيطة و بكرا بتكبري و ابتنسي

انا ما اغلطت بحقك و اصلا ما فيني قدر حقك ولو انو من حقك تبهدليني من بعد هالجملة

أخيرا بحب طمنك أنو انا و انت بحياتنا ما كنا لبعض و اذا مو مصدقة هالحكي

اسالي رفقاتك عني و اسالي رفقاتي عنك ولو انو رح يقولولك الجهتين انو انا مو الك لانو ما وصلة الجراة ليقولوا انو انا أحسن منك و لو انو انا هيك بس خلينا ننسى هالموضوع

و دائما حاولي تتذكري أنو انا هيك باخر شي بعملوا لازم خليك تعصبي مني و بالنسبة الي, عادي ردة الفعل لي الك من هالحكي لانو انا قصدي يكون عندك ردة فعل بغض النظر عن شو بدك تعملي

و باخر هالرسالة الشكر الجزيل لكل من ساهم بانجاز هذا العمل من كادر فني و غيره ..

...................