كذاب عينك عينك و بكل بساطة يعني بيكذب و حضرتك عرفان انو عم يكذب و هوي بيعرف هالشي بسس بيضل يكذب وهون ما فيك تعمل شي غير انو تكذب حالك و تمشي معوا و تقلوا أي لأنو أطول كذبة (سالفة كذب) مدتها خمس دقايق و هي بدك واحد محترف بالكذب لتظبط  معوا يعني الهاوي يمكن بيكذب بخبر أو انو بيعرف فلان و علتان بس المحترف غير,اذا قاطعتوا يمكن تاخد نقاش شي عشر دقايق و بعدين بدو يرجع يحكيلك السالفة بشي خمس دقايق يعني حضرتك اضطريت تحكي معوا لمدة ربع ساعه بوقت كان فيك تسمعوا ب خمس دقايق , وهلق خلينا نحكي بموضوعنا الاساسي ولي هوي انو حضرتك ابتعرف شخص عندو هوس بشط الحديث (بيكبر و بيضخم و بينتهي الموضوع بكذبة رهيبة ) مثلا اجا صاحبنا المعروف بحديثوا و بلش يحكي عن قصة صارت معوا هون لا تقاطعوا خلي يبلش لانو هوي جاي ليحكي و انت لازم ع طول تقلوا الكلمات التشجيعية .. والله , وشو صار, و شو عملت , وما قصرت , برابوا عليك , واحد غيرك ما بيعملها . هلق المصيبة بالنسبة الك انو تكون حضرتك حضران الجلسة يعني القصة لي عم يحكيها انت كنت موجود فيها بس بوقت القصة ما كان في معرفة بينك و بينوا أو يمكن انت كلك ع بعضك مو معبى عينوا , المهم بلش حكي و سحب بالخيال أي أطلق العنان لعقله و ضل يحكي لحتى بالنهاية ع الاغلب بدو يكون البطل أو الشخص الانساني النادر و بالنادر انو محترف بالكذب يطلع خسران من أي شغلة و بأي موضوع جرب اذا بتحكي بالتاريخ بيطلعلوا جد بطل تاريخي أو اذا بيتحكي عن أحد الاشخاص المبدعين يمكن بيطلع فيه شي شرش من عيلة صاحبنا الغالي أما اذا بدك تحكي عن العلاقات العامة فهي لا تقرب عليها لأنو بهل المجال ما في اسهل من الكذب و كذب ع مستوى راقٍ و معارف و شخصيات يمكن اذا اسمعت اسمها بيصرلك شي , طيب شو الحل مع هيك شخص ؟ يمكن أول شي بيخطر ع بالك انو تقلوا ولك مو هيك صار , في شوية تغير أو تقلوا فورا حيجه كذب هون باعتبار عم تحكي مع محترف رح يلاقيلك حجه و تطلع حضرتك غلطان و لو انت عرفان انو انت صح بس للاسف رأيك بالنسبة الوا ما رح يخلي يترك هالمجال لي احترف في , يمكن بتصوري الحل انك اتجبلوا واحد أكذب منو يعني محترف برا وراجع لجوا ليثبت حالوا جوا وهدول ما في أكتر منهن و بسهولة فيك تشوفهن بمجرد انك اتابع تلفزيون مثلا أو تحاول تسأل عن تحليل الوضع الحالي للكرة الارضية و شوف كيف رح يجوك و يقابلوك و بدون ما تزعجهن أبدا و خلي صاحبك يحضر معك شي لقاء أو شي جلسة و هون فيك تفش خلقك في و تحاول تاخد حقك منوا و تسمعوا الحديث كاملا بس من بعد هالجلسة نصيحه لا تقعد معوا لانو بيكون لقط كم شغلة جديدة ورح يصرعك فيهن . اذا ما اقتنعت بالحل الماضي في حل محلي هوي انك تحترف الكذب (لأنك بتكذب بالفطرة) و تصير أكذب منو و هيك بتكون خلصت من هالمشكلة أما اذا ما فيك تصير محترف لانو عندك شي ما بيخليك تصير متلوا , اسماع مغامرات صاحبك و بس خلص اطلوب منو وحده تانية و كل ما خلص وحده اطلوب و حده غيرها وما تخاف مدة الكذبة ما رح تاخد أكترمن دقيقتين أو تلاتة بالكتير و هيك هوي رح يحس بقيمتوا بالنسبة الك ورح يعتذر منك ويروح لانو مشغول (هيك انسان ع طول مشغول ) بدو يدور ع واحد غيرك لانك مللتوا وهوي ما بيحب هيك نماذج لانو تعود ع أشخاص يكذبوا و هوي يرد عليهن و يفتحوا ع بعض شي مية جبهة و خود ع بهادل و لزق صفات مو موجودة غير عند هدوك و على كلن انت جرب شي حل و ردلي خبر  ومنشوف شو ظبط