طريق المطار
أكتر طريق بحبوا هوي طريق المطار , مو لأنو الزفت جديد و عم يلمع ولا لأنو طرق سريع , لا أبدا هالموضوع بعيد كتير . طريق المطار هوي الوحيد لي بيحسسنني انو قلبي مقبوض , وانو بنهاية هالطريق في تغيير اجباري , لما بتطلع ع المطار يعني عندك نغيير حالة أول حالة :هي انو بدك تسافر , يعني تغيير لحالة
تاني حالة انو بدك تودع حدا مسافر , يعني تغيير حالة
تالت حالة انو حدا جاي بدك تستقبلوا , يعني تغيير حالة
رابع حالة طالع مع حدا بدو يودع او يستقبل حدا , يعني تغيير حالة
خامس حالة انو طالع مشوار ع طريق المطار لتغير حالة وفي حالة انو الاشخاص الموظفين بالمطار كل يوم بيلعنوا هالحالة , بس ليش ما حدا بيعرف شو السبب ؟!!!
الأهم انو طريق المطار مهم كتير و من كل النواحي من ناحيتك كشخص موجود بالبلد , للبلد نفسوا يعني طريق الو أبعادو الكيرة و هالابعاد أكبر من أي طريق سريع موجود جوا البلد , أكبر من عشر و عشرين متر و أسرع من مية و ميتين كيلوا متر بالساعه, هالطريق متل الضو سريع و بتشوفوا و انت مدرك الو و هالطريق ممكن يوصلك ع طريق تاني انت بتعبروا صح متل الضو تبع الامل لي انت ع طول لاحقوا لحتى يوصلك ع شي صح .
|
