استنتاج
يقول المثل: بالوجهه مراية و بالقفا صرماية
ف اذا بدنا نقرا هالمثل منعرف انو دايما و ابدا المراية الها وجهه و الها قفا ف شو المقصود بالقفا ؟
قفا المراية و لا قفا الشخص لي صار معو الحادثة ؟
لو قلنا مثلا : هالشخص متل المراية (الو وجهه عاكس لصورتك الصحيحية و الو و جهه معاكس ما بيعكس شي ولا بيخصك بشي لا من الصورة ولا من اي شي تاني ) لانو مثلا شو التعبير المظبوط ل قفا المراية ؟؟ صرماية؟؟
هلق الفكرة البعيدة عن المراية ولي هي الاشخاص المشبهين فيها
يعني لي بيكون معك متل المراية عم يعكسلك صورتك المظبوطة و لي هي كتير بتشبهك و بنفس الوقت عم يصير قفا مراية يعني ما بتقولي هوي لي كان من شوي .... طبعا المعتاد انو بيصير التحول لما انت بتكون غايب يعني مو بوجهووا ... للصدف و بدون تعميم منلاحظ انو هالاشخاص عم يتعاملوا مع اشخاص متلن تماما (مرايااات لبعض)
وشو بدها تعكس المرايه للمراية؟ لازم يكون في شي غير لحتى تنعكس الصورة .
هلق السؤال المهم : هل يا ترى هدول الاشخاص بيعرفوا انو هيك هني بنظر المرايات التانية ؟؟
و لا بس بيعكسوا صورة المراية لي شايفنها؟؟ و بيشوفوا حالهن فيها؟؟؟ علما انو مو مرايتن ابداا !!!
اذا نحنا شفنا هالاشخاص من القفا (يعني اذا اعرفنا انهن صرمايه) شو بدنا نعمل؟ منكون مراية و منعكس صورتهن ليشوفوا حالهن صرامي ولا منقول خلينا بعيدين عن جو الانعكاسات و اثاره الجانبية ع البيئة؟؟
|
